Медиум: ЦИА смета дека Русија се мешала во изборите во САД

Централната разузнавачка агенција (ЦИА) заклучила дека Русија, наводно, се замешала во текот на претседателските избори во САД во 2016 година за да му помогне на Доналд Трамп да победи, соопштува весникот „Вашингтон Пост“, повикувајќи се на свои извори.

Путин: Русија не може да влијае на изборите во САД

Според весникот, тајните служби го утврдиле идентитетот на лицата кои наводно се поврзани со руските власти, кои, наводно, му доставиле на сајтот „ВикиЛикс“  илјадници е-писма добиени со хакирање на серверите на Демократската партија, како и на претседателот на штабот на Хилари Клинтон, Џон Подеста. Изворите изјави за весникот дека лицата ѝ познати на ЦИА и се дел од „операцијата на РФ за промоција на Трамп и нанесување штета на Клинтон“.

„Разузнавачката заедница дојде до заклучок дека целта на Русија била да се поддржи еден од двајцата кандидати, да му помогне на Трамп да победи. Тоа е општото мнение“, пишува весникот, цитирајќи висок американски претставник.