Во охридскиот УНЕСКО-регион се градат хотели и угостителски објекти без одобренија, за кои потоа се прават обиди за легализација. Државните ревизори утврдиле дека Општина Охрид иако одбила 4.847 барања за легализација, не презела мерки за отстранување, додека бил констатиран и хотелски комплекс без дозвола за градење и 23 угостители што нелегално користеле јавен простор. Експертите предупредуваат дека ваквите пропусти создаваат сериозен безбедносен ризик и можат да водат кон нови трагедии од типот на пожарот во дискотеката во Кочани или модуларната болница во Тетово.
