Повици за единство за сочувување на националниот идентитет, борбата против корупцијата и економски напредок испрати власта по повод чествувањето на 121 година од Илинденското востание. Премиерот Христијан Мицкоски во својот говор упати критика до опозицијата, која како што рече, му оставила девастирани институции и направила национални предавства. Порача дека за односите со Бугарија ќе бара достоинствено решение, но не по цена на националниот идентитет.
