Силна експлозија одекна денеска попладне во прометна пешачка улица во центарот на Истанбул, пренесуваат турските медиуми, кои додаваат дека има мртви и повредени.
Експлозијата се случила нешто по 16 часот по локално време, кога во таа улица имало многу луѓе, пренесе турската телевизија НТВ.
Еден загинат и неколку повредени во експлозија на автобус во Турција
Гувернерот на Истанбул Али Јерликаја на Твитер напиша дека има мртви и повредени, но засега не се знае точниот број.
Засега не е позната причината на експлозијата.
На видеоснимките на социјалните мрежи се гледа пламен и пешаци кои бегаат, како и возила на итна помош и полиција.
Турскиот огранок на американската телевизија Си Ен Ен во првиот извештај од лице место објави дека има 11 повредени и дека улицата е популарна меѓу туристите и локалното население, зашто во неа има низа продавници и ресторани.
Турција беше мета на бомбашки напади меѓу 2015 и 2017 година од џихадисти од Исламската држава и од забранетите курдски организации.
