Опозициската ВМРО- ДПМНЕ обвинува дека власта купува пченица по 25 проценти поскапа цена од регионалната берза. Оттаму велат дека во два наврати, Агенцијата за стоковни резерви троши околу 9 милиони евра, за набавка на 20.000 тони пченица. Цената која ја плаќаат за килограм оди дури и над 26 денари за килограм. Односно над 6 денари поскапо од тоа што се тргува на регионалните берзи, изјави на прес конференција Цветан Трипуновски, претседател на Комисија за земјоделство, шумарство и водостопанство на ВМРО-ДПМНЕ.
Се замрзнуваат маржите на млечните производи
Тој повикувајќи се на тендери објавени на Бирото за јавни набавки посочува дека Агенцијата за стокови резерви од 24 август до 6 октомври склучила 4 договори со различни фирми за набавка на 20.000 тони пченица. Цената на килограм пченица во еден договор е околу 26 денари, а во трите други над 27 денари за килограм.
„ Целиот случај отвора сериозен сомнеж за огромни профити кои завршуваат во нечии џебови, ако се земе во предвид дека берзанската цена на пченицата во Србија изнесува околу 20.5 денари за килограм, ако на тоа се стави и цена на транспорт која е околу 2 денари за килограм, доаѓаме до цена за килограм не поскапа од 22.5 денари. Но во случајов цената која ја плаќа Агенцијата е над 6 денари повисока од цената која е на берза од замислете дури за 8 денари повисока од македонската пченица.
Со ваквите договори се создаваат над 1 милион евра, пари за кои се сомневаме дека ќе завршат во приватни џебови, а можеле да бидат заштедени“, вели тој.
Од опозицијата прашуваат зошто не бил извршен интервентен откуп на македонската пченица од македонските производители по пониска цена, и зошто Љупчо Николовски од позиција на министер за земјоделство не испреговарал пониска цена или цена приближна до берзанската?
Пазарната инспекција во битка со „несовесните“ трговци
„Го повикувам Љупчо Николовски да излезе пред јавноста и да даде одговор пред македонските земјоделци во чиј џеб завршат овие еден милион евра и зошто не се откупи македонска пченица“, вели Трипуновски.
