Народната банка одлучи да го вклучи српскиот динар на својата курсна листа. Одлуката ќе почне да се применува од Курсната листа формирана на 1 ноември 2022 година.
Ако каматите многу пораснат, граѓаните тешко ќе ги плаќаат кредитите
Со вклучувањето на српскиот динар во листата на валути кои може да се купуваат и продаваат на девизниот пазар се отвораат можности за поедноставување на економската соработка и се дава поттик на економските субјекти во интензивирање на трговските и финансиските текови меѓу двете земји, имајќи предвид дека Србија е еден од позначајните трговски партнери на нашата држава.
„Истовремено, може да се очекуваат и поволни ефекти и во поддршка на услужните дејности, со оглед дека е значен бројот на туристи од оваа наша соседна држава“се вели во соопштението на Народната банка.
Гувернерката Ангеловска-Бежоска: Централните банки да се фокусираат на одржување ценовна стабилност
Во него се додада дека одлуката за вклучување на српската валута во рамки на Курсната листа доаѓа во период на продлабочување на билатералната соработка на централните банки на двете земји и претставува координирана реакција на одлуката на Народната банка на Србија за ставање на македонскиот денар на својата курсна листа.
