Пет лица се уапсени денеска во кантонот Сараево под сомнение дека извршиле злосторства против цивили и злосторства против воени заробеници, во периодот меѓу 1992 и 1994 година, соопшти Агенцијата за истрага и заштита на БиХ (СИПА).
Се додава дека по кривичната истрага уапсените лица ќе бидат предадени во надлежност на Обвинителството на Босна и Херцеговина.
Ова е трета ваква акција на апсење за воени злосторства во БиХ во последните десет дена.
Во Бјелина и Соколац, во Република Српска, СИПА на 3-ти декември уапси седум лица под сомнение дека масакрирале бошњачки цивили во 1990-тите во североисточниот град Балатун.
Уапсени деветмина Срби осомничени за воени злосторства во БиХ
Претходно, на 30 ноември, членовите на СИПА уапсија девет лица во областа Нови Град под сомнение дека извршиле злосторства против човештвото за време на војната во 1990-тите.
