Мал товарен брод со околу 400 претежно авганистански мигранти и бегалци бил одвлечен до „безбедно пристаниште“ во близина на грчкиот остров Кос во близина на турскиот брег, соопшти грчката крајбрежна стража. Од Крајбрежната стража изјавија за Асошиетед прес дека не можат да ја откријат точната локација.
Бродот со 400 мигранти и натаму плови во Егејско море
Крајбрежната стража во петокот соопшти дека грчки брод за пребарување и спасување источно од островот Крит лоцирал товарен брод кој пловел под турско знаме, по дојавата дека му е потребна помош. Грција испрати официјално барање до Турција да го врати бродот, кој, според крајбрежната стража, испловил од турскиот брег и се упатил кон Италија. Засега не е познато дали некој од патниците на бродот, претежно мажи, е болен.
