Регистрирани се 436 нови случаи на заразени со ковид-19, од направени 2.732 тестирања, соопшти Министерството за здравство.
Речиси половина од новозаразените се регистирани во Скопје – 203. Во Битола – 24, Куманово и Кавадарци – по 22, Велес и Штип – по 21, Прилеп – 19, Кочани – 16, Тетово – 12, Пробиштип – 9, Охрид – 8, Неготино и Свети Николе – по 6, Кичево, Крива Паланка и Делчево - по 5, Струмица и Берово - по 4, Гевгелија, Кратово и Дојран – по 3, Гостивар , Радовиш, Ресен, Виница, Валандово и Демир Хисар - по 2, Струга, Крушево и Македонска Каменица – по 1.
Регистрирани сe 321 оздравени пациент.
Во текот на изминатите 24 часа регистрирани се 7 починати лица: 3 починати лица од Скопје (66г,69г и 86г) и по едно починато лице од Кавадарци (79г), Охрид (76г), Демир Хисар (17г) и Штип (73г). Од пријавените лица сите се починати во болнички услови.
Претходно Министерството за здравство информираше дека утрово починала 17 годишна пациентка од село Сопотиница, Демир Хисар. Според соопштението, таа имала дијабет и не била вакцинирана.
Од ковид почина 17 годишна девојка од Демир Хисар
Дополнително, согласно Регистарот на умрени лица со дијагноза ковид-19 од Мој Термин, се пријавени 4 починати лица со датум на смрт од 01.09.2021 година до 22.10.2021 година. Регистрирани се 2 починати лица од Гостивари по едно починато лице од Кочани и Кичево на возраст од 55 до 86 години, од кои 2 се починати во болнички услови а 2 во домашни услови.
Вкупната бројка на ковид-дијагностицирани лица во земјава од почетокот на епидемијата изнесува 201.292, бројот на оздравени пациенти е 187.695, на починати е 7.098, а бројот на активни случаи изнесува 6.499.
