Од Изборниот штаб на кандидатот за градоначалник на Куманово, кој е и актуелен прв човек на градот, Максим Димитриевски денеска на прес конференција информираа дека нивна активистка добивала пораки со закани по животот на нејзиното дете. Од Штабот на Димитриевски велат дека активистите, членовите и поддржувачите на граѓанската иницијатива „За наше Куманово“ се соочуваат со притисоци и закани. На прес-конференцијата беа прикажани пораки кои нивна активистка ги добила во неколку наврати. Според информациите што ги имаат во Штабот на Димитриевски се работело за лице кое е поранешен осуденик и кое издржувало казна затвор, а во
моментов е во штабот на СДСМ, соопштуваат од иницијативата „За наше Куманово“.
Во пораките, меѓудругото може да се прочита:
„Убав ден денеска на дете ти роденден, другар ти Максо го покани ли,
може да биде последен роденден да се подружите”, порака што ја добила активистката на „За наше Куманово“ на 26 октомври.
Испраќачот наведува дека ја предупредил и „што и да се случи сама си е крива“.
Случајот е пријавен во МВР, но како што наведуваат, нема реакции од институцијата.
Максим Димитриевски со ротациони светла однесен на технички преглед
Од ова иницијатива и претходно алармираа за напади и закани кон нивни активисти, членови и поддржувачи. Претходни и Димитревски се пожали на притисоци. Тој на 19 октомври рече дека бил следен од возило на МВР и со ротациски светла одведен на технички преглед, иако возилото со кое управувал било нови и тој поседувал урено полномошно за негово управување.
Димитриевски за градоначалник во 2017 е избран од редовите на СДСМ, но по повеќемесечни несогласувања со раководството на партијата, тој на овие избори се кандидира како независен.
