Албанскиот вицепремиер Арбен Ахметај, по денешната владина седница, изјави дека донесена е владина одлука со која нема зголемување на цената на електричната енергија за домаќинствата и малите бизниси.
Компаниите во ноември да го издржат ценовниот шок, потоа ќе има интервентно производство на струја
Тој посочи дека покрај заштитата на домаќинствата и малите бизниси од зголемувањето на цената на електричната енергија, постои план за големиот бизнис со непречено снабдување со електрична енергија и заштита на овие две категории, домаќинствата и малиот бизнис.
„Првата точка што е многу важна има врска со нормалното снабдување со електрична енергија на целата територија на земјата. Втората точка се однесува на цената на електричната енергија за домаќинствата и малите бизниси да остане непроменета. За останатите има реформа, што ќе продолжи како што е планирано. Ќе продолжиме да ги заштитуваме домаќинствата и малите бизниси од меѓународните проблеми со цената на електричната енергија“, изјави Ахметај.
Цената на струјата нема да се менува до крајот на годинава
Тој посочи дека владата работи за да гарантира снабдување со „електрична енергија 24 часа на ден, 7 дена во неделата, „иако снабдувањето во светот е проблематично“.
