Новости за 17.06.2017

Средбата меѓу Русија и Нов Зеланд заврши со победа на Русите од 2:0. Во 31 минута автогол си постигна капитенот на Нов Зеланд Мајкл Боксол. Во 69 минута резултатот го зголеми Фјодор Смолов, соопштува „Лента.ру“.

„Важно е само да се напомене дека без разлика што ќе се случува - се разбира, треба уште да се види со што ќе резултира ова - но, независно од тоа какви одлуки да се донесат преку океанот, тоа нема да нè стави во ќорсокак“, изјави Путин, пренесува „Взгљад“.

Договор за создавање на четири вештачки земјени парцели во Колскиот залив во Баренцовото море беше склучен меѓу „Колското бродоградилиште“ и Федералната агенција за поморски и речен транспорт на Русија (Росморречфлот). Островите ќе се прават за спроведување на инвестицискиот проект „Центар за изградба на големотонски поморски структури“ за сметка на „Колско бродоградилиште“, пренесува „Взгљад“.

Во 16:00 по московско време во Санкт Петербург ќе почне церемонијата на свеченото отворање на турнирот. Во 18:00 часот свирежот на судијата ќе го означи стартот на првиот натпревар на турнирот помеѓу репрезентациите на Русија и Нов Зеланд. Се очекува на мечот да присуствува и претседателот на РФ Владимир Путин.

Претседателот на Русија потврдно одговори на прашањето за тоа дали разузнавачките служби на САД имаат информации за падот на патничкиот авион. Притоа тој истакна дека позицијата на САД за Украина е јасна - тие сакаа да ја префрлат целата вина врз бунтовниците и индиректно врз Русија, пренесува „Росијскаја газета“.

„Мислам дека не е сè во идеолошките мотиви, тука повеќе е геополитичка конкуренција. Денеска, сметам, грешката на нашите партнери во САД е во та што тие сѐ уште гледаат во Русија закана, како тоа да е нивниот главен геополитички непријател“, изјави Путин, пренесува RT.

„Ќе потсетам дека една од главните претензии на Вашингтон спрема Москва беше „непредвидливоста“ на Русија. Токму со тоа САД ја плашеа Европа, меѓу другото обесхрабрувајќи го Брисел од енергетска соработка со Москва“, напиша Захарова на „Фејсбук“.