Новости за 11.02.2017

Сириската војска, поддржана од руската авијација, во саботата го ослободија населеното место Тадеф, кое беше најсилното упориште на „Исламската држава“ на пристапот до градот Ел Баб, и излезе на договорената со турската страна линија на разграничување со „Сириската слободна армија“, соопшти Министерството за одбрана на Руската Федерација.

Русија и Турција го задржуваат спокојството во односите откако на 9 февруари како резултат на руски воздушен напад во близина на градот Ал Баб во северна Сирија беа убиени тројца турски војници, пишува „Хуриет Дејли Њуз“. На тој начин, истакнува весникот, Москва и Анкара се обидуваат да избегнат криза.

Перспективите за изградба на гасоводот „Северен тек 2“ предизвикуваат страв во Украина дека таа повеќе нема да биде во можност да добива пари за транзит на рускиот гас за Европа, пишува колумнистот на „Форбс“ Кенет Рапоза.

Техеран не ја исклучува можноста авионите на руските Воздушно-космички сили да го користат воздушниот простор на Иран за борба против терористите во Сирија, изјави секретарот на Врховниот совет за национална безбедност на Иран, Али Шамхани, пренесува агенцијата „Мехр“.

Погранични зони

Изгледаше дека ништо страшно не се беше случило. Русија воведе режим на пограничните зони, аналогно на режимот, кој самиот Минск го активираше уште во есента 2014 година. При тоа, ако се суди според објаснување на федералната служба за безбедност (ФСБ), не се планира да се прават никакви пунктови или да се проверуваат на границата автомобили, луѓе и така натаму. Станува збор повеќе за зајакнување на будноста во пограничните региони.

Русија воспостави погранична зона на границата со Белорусија. Читать дальше...

Поранешниот припадник на Агенцијата за национална безбедност на САД Едвард Сноуден изјави дека информацијата што беше објавена во медиумите дека Русија наводно ја разгледува можноста за негово испорачување како „подарок“ за американскиот претседател Доналд Трамп е доказ дека тој никогаш не бил поврзан со разузнавачките служби на Руската Федерација. Ова тој го соопшти на својата страница на „Твитер“, пренесува ТАСС.

На 10 февруари во Битола во организација на Амбасадата на Руската Федерација во Република Македонија и Почесниот конзулат на Руската Федерација во Република Македонија во Битола се одбележа Денот на дипломатите со полагање цвеќе на споменикот „Руски крст“.

Администрацијата на претседателот на САД Доналд Трамп е склона да го поддржи влезот на Црна Гора во НАТО, и покрај противењето на Русија, соопштува „Вол Стрит Џурнал“ повикувајќи се на високи чиновници. Весникот истакнува дека таквиот став на Вашингтон може да биде првата „точка на тензии“ меѓу САД и Русија од моментот на стапувањето на Трамп на функцијата.