Новости за 07.01.2017

Новоизбраниот американски претседател Доналд Трамп ја објави својата намера заеднички да ги решава со Русија светските проблеми. Соодветното соопштение Трамп го објави во петокот на неговата страница на „Твитер“, пренесува ТАСС.

Турската полиција уапси пет лица како дел од истрагата за убиството на рускиот амбасадор Андреј Карлов во Анкара, соопшти во саботата агенцијата „Анадолу“, повикувајќи се на обвинителството на градот Измир.

„Гаспром“ последните три дена регистрира нови рекордни количини на испорачан гас преку „Северен тек“, се вели во соопштението на руската компанија што го пренесува „Лента.ру“.

Шефот на Федералната канцеларија за заштита на уставот (BFV – Внатрешно разузнавање на Германија) Ханс-Георг Маасен изјави дека нападот на Организацијата за безбедност и соработка во Европа (ОБСЕ), можел да биде извршен од Русија, пишува весникот „Франкфуртер Алгемајне Цајтунг“.

Во Русија живеат многу осамени стари лица, но до неодамна речиси немаше добротворни организации кои се подготвени да се занимаваат со нив. „Старост во радост“ е еден среќен исклучок. Веќе 10 години Фондацијата им го разведрува животот на постарите лица кои живеат во старечките домови. Денес во Русија за него знаат речиси сите кои на еден или на друг начин се поврзани со социјалната сфера - таа им помага на 150 старечки домови во 25 области на земјата.

„Според нашите проценки, претседателот на Русија Владимир Путин наложил да се почне во 2016 година кампања за влијание врз претседателските избори во САД. Целта на Русија беше поткопување на довербата на јавноста во демократските процеси на САД, оцрнување на државниот секретар Клинтон и нанесување штета на нејзините шанси да биде избрана за претседател“, се вели во извештајот што го пренесува „Лента.ру“.

Претседателот на САД Барак Обама смета дека некои Американци, особено поддржувачите на Републиканската партија, повеќе му веруваат дека шефот на руската држава Владимир Путин отколку на демократите. Ова Обама го изјави во интервју за телевизијата Еј-Би-Си, од кое дел беше прикажан во петокот.

Претседателот на Русија Владимир Путин им го честиташе Божик на православните христијани и на сите руски граѓани кои го слават овој празник, истакнува прес-службата на Кремљ, пренесува ТАСС.