„Форбс“ објави список на најбогатите семејства во Русија

Како што пишува изданието во објаснувањето за рејтингот, вкупното богатство на десетте најбогати фамилии во минатата година е зголемено на 27 милијарди долари.

Според публикацијата, првото место во рангирањето по трет пат го зазема семејството Гуцериеви со вкупно богатство од 9,91 милијарди долари.

„Форбс“ објави листа на најбогатите жени во Русија

Второто место на рејтингот му припаѓа на семејството Ротенберг, чие богатство е проценето на 4,2 милијарди долари.

Третото место им припаѓа на браќата Анањеви, претседатели на Одборот на директори на „Промсвјазбанк“, со капитал од 2,7 милијарди долари.

На четвртото место се синови на првиот претседател на Татарстан Минтимер Шајмиев, Ајрат и Радик Шајмиеви. Нивното богатство се проценува на 2,215 милијарди долари. Изданието истакнува дека при составувањето на рејтингот е земена предвид вредност на активата која им припаѓа на семејствата, а во списокот се вклучени само оние семејства кои го заработиле главниот дел од својот капитал приватно, односно не се државни службеници, пренесува „Взгљад“.