Руските маринци победија на натпреварот „Поморски десант“

Тимот на поморската пешадија на ВМФ на Русија победи во натпреварот „Поморски десант-2017“ во рамките на „Армиските меѓународни игри-2017“ на Тихоокеанската флота, изјави на началникот на Одделот за информативна поддршка на прес-службтаа на ВВО за ТОФ Владимир Матвеев.

Руските воени извидници најдобри на Армиските игри

„Судиската комисија на натпреварот „Поморски десант-2017“ ги одреди резултатите од меѓународниот натпревар. Победата му припадна на тимот на маринците на ВМФ на Русија, на второ место е екипата на поморската пешадија на Народно-ослободителната армија на Кина, третото место го поделија тимовите на маринците на Венецуела и Иран, стекнувајќи се со еднаков број на поени“, изјави Матвеев, пренесува РИА „Новости“.

Меѓународниот натпревар меѓу единиците на поморската пешадија „Поморски десант-2017“ се одржуваше од 1 до 11 август во рамките на „Армиските меѓународни игри-2017“ на полигоните на Тихоокеанската флота „Горностај“ и „Клерк“. Во него учествуваа тимови на морска пешадија од Русија, Кина, Иран и Венецуела – вкупно повеќе од 200 војници.