Кремљ не ја коментира можноста за отворен судир меѓу Русија и САД во Сирија

Кремљ не ја коментира можноста за прераснување на ситуацијата во Сирија во отворена конфронтација меѓу Русија и САД во таа земја.

Русија излегува од Меморандумот за безбедно небо над Сирија

„Ќе го оставам ова без коментар“, изјави портпаролот на претседателот на РФ Дмитриј Песков, одговарајќи на прашањето дали Кремљ се плаши дека ситуацијата во Сирија ќе доведе до отворен судир меѓу Москва и Вашингтон.

„Ситуацијата, несомнено, поврзана со дејствијата на коалицијата (предводена од САД) предизвикува многу сериозна загриженост“, додаде тој.

Песков исто така го префрли прашањето до Министерството за одбрана за тоа под кои услови Москва е подготвена да ја обнови соработката со САД според Меморандумот за спречување на инциденти и осигурување на безбедноста на летовите на авијацијата, прекинат поради соборувањето на сирискиот Су-22 од страна на меѓународната коалиција, пренесува ТАСС.