31-январда эртең менен Бишкек шаарындагы Курманжан Датка көчөсүндө жайгашкан бала бакчадан өрт чыкты. Бул тууралуу Өзгөчө кырдаалдар министрлигинин басма сөз кызматы билдирди.
Мекеменин маалыматына караганда, өрт өчүрүүгө жалпы эки бөлүм тартылган.
Өрттүн кесепети жана себептери тууралуу кошумча маалымат берилери белгиленди.
ӨКМдин билдиришинче, өткөн суткада өлкө боюнча 16 өрт кырсыгы катталып, өрттү өчүрүүгө 19 күжүрмөн эсеп тартылган. Анын төртөө Бишкек шаарында катталган.
