Шашылыш билдирүү
Кыргызгидромет борбору билдиргендей, 3-январга чейин Кыргызстандын тоолуу райондорунда, Бишкек-Ош унаа жолундагы Төө-Ашуу, Ала-Бел ашууларында жана Чычкан капчыгайында кар көчкү түшүүcү жана кар күрткүсү күтүлөт.
Жолдор тайгак болуп, муз тоңот. Унаалардын ортосундагы 500 метрдик аралык сакталышы зарыл.
Аба ырайы
3-декабрда түнкүсүн Ош, Жалал-Абад облустарынын көпчүлүк аймактарында, Баткен, Ысык-Көл, Нарын облустарынын айрым жерлеринде, Чүй облусунун тоолуу райондорунда кар жаайт, дыйканчылык аймактарында жана Талас облусунда жаан-чачын болбойт.
Күндүз Чүй облусунун айрым жерлеринде, Ош, Жалал-Абад облустарынын тоо этектеринде жана тоолуу райондорунда кар жаайт, Ош, Жалал-Абад облустарынын өрөөндөрүндө жана калган аймактарда жаан-чачын жаабайт. Айрым жерлерде туман түшөт. Жолдор тоңголок жана тайгак болот. Батыштан соккон шамалдын ылдамдыгы секундасына 4-9 метрге жетет.
Абанын температурасы:
Чүй өрөөнүндө түнкүсүн -2…-7, күндүз -1…+4;
Талас жергесинде түнкүсүн -3…-8, күндүз -1…+4;
Баткен, Ош, Жалал-Абад облустарында түнкүсүн -2…+3, күндүз 2…7;
Ысык-Көл дубанында түнкүсүн 0…-5, күндүз 0…5;
Нарын облусунда түнкүсүн -11…-16, күндүз -1…-6;
Бишкек шаарында түнкүсүн жаан-чачын күтүлбөйт, күндүз кар жаашы мүмкүн. Туман түшүп, жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге жетет. Абанын температурасы түнкүсүн -4…-6°, күндүз 0…2° болот.
