Кыргыз Республикасынын Президенти, Коопсуздук Кеңешинин башчысы С.Н. Жапаровго
КР УКМК төрагасы К.К. Ташиевке
АЧЫК КАТ
Урматтуу Садыр Нургожоевич!
Урматтуу Камчыбек Кыдыршаевич!
КР Президентинин 30.12.2023 ж. “КР айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү жөнүндө” Жарлыгына ылайык Кызыл-Кыштак айыл аймагы Ош шаарынын курамына кирген. АТР алкагында кошулган аймактарда оптималдаштыруу эсебинен мамлекет 900 млн. сом акча каражатын үнөмдөгөн. Бирок, эгерде жер-жерлердеги коррупциялык схемаларды жойсок, 900 млн. сом эмес, эң кеминде 2 млрд сом акча үнөмдөсөк болот. Кыргызстанда өтүп жаткан административдик-аймактык реформанын негизги максаты оптималдаштыруу жана кызматкерлерди кыскартып, үнөмдөлгөн бюджеттик каражаттар эсебинен карапайым айыл элинин жашоо шарттарын жакшыртуу болуп саналат. Себеби, эч кимге сыр эмес, жер-жерлердеги коррупционерлердин туугандары бюджет эсебинен айлык маяна алышып, бирок факт жүзүндө ишке келбей, кызмат абалынан кыянаттык менен пайдаланып, айлык ведомостторун жасалмалап (КР КЖК 337 бер. 4 бөл, 379 бер.3 бөл.), айлык акы алышат. Бюджеттик каражаттарды азайтуу максатында Кызыл-Кыштак бюджетинен каржыланган, бирок, ишке келбей, айлык алган “өлүк жандар” алты маданият кызматкери бар, аларды кыскартып, оптимизация кылса болот. Бул менен бюджеттик каражаттарды бир нече миллион сомго азайтса болот.
Жергиликтүү бюджет эсебинен каржыланган маданият үйү жана китепкана ар дайым жабык, китептер чаң басып жатат. Депутат О. Токторалиеванын китепканачы келини факт жүзүндө ишке келбей, “өлүк жан” болуп 1,5 жылдан бери иштебей, айлыктарды алып жатат. Натыйжада мамлекетке өзгөчө ири өлчөмдө зыян келтиришкен. Китепкананы жана маданият үйүн жаап, алты штатты кыскартып, эч ким окубаган китептерди Кызыл-Кыштактагы 9 мектепке таркатса окуучулар окуйт, бюджет акчалары үнөмдөлөт. Ишкаван айылындагы мектепте окуучулар эртек китептерди окуусу келет, бирок, мектеп китепканасында ал китептер жок. Китепканада китеп окуганы шарт жок. Ошондуктан О. Токторалиева депутаттык кызмат абалынан кыянаттык менен пайдаланып, кызмат абалынан аша чаап, Коммунист менен Керме-Тоо айылдарынын тургундарын тейлеген ФАП менен тиш дарыгерин куугунтуктап, басым жасап, тиш дарыгерине ажыратылып берилген кабинетин басып, өзүм билемдик менен ээлеп алууну жана китепкананы ошол жерге көчүрүүнү пландап жатат. Бирок, ФАП менен стоматолог Керме-Тоо менен Коммунист айылынын 10 миң элин тейлейт, ал сөзсүз карапайым айыл элине керек.
Токторалиеванын мындай мыйзамсыз аракети натыйжасында чек ара аймагында жайгашкан Коммунист менен Керме-Тоо айылдарынын тургундарынын ден-соолугу камсыздалбай калат. Себеби мурда Коммунист менен Керме-Тоо айылдарынын тургундарын ден-соолугун камсыздоо максатында ФАП оңдоого Кызыл-Кыштак айылдык кеңешинин токтому менен акча каражаты ажыратылып, ремонттолгон. Мурда участковой менен айылбашчы ишмердүүлүгүн жүргүзгөн кабинетти О. Токторалиева ээлегени менен, ал кабинетта жайгашкан китепкана иштебей, Токторалиеванын кызы факт жүзүндө ишке келбей, “өлүк жан” мыйзамсыз айлык алып жатат. Ошол эле учурда заман талабы менен китепкана айыл элине керек эмес. Ал бир эле О. Токторалиевага гана керек, иштебей, ошол жерден мыйзамсыз айлык алыш үчүн.
13.05.2024 ж. Кызыл-Кыштак маданият үйүн Кара-Суу районунан Ош шаардык маданият бөлүмүнүн балансына өткөрүү максатында комиссия келген, аны өткөрбөй эле кыскартуу зарыл.
О. Токторалиеванын сөзү боюнча ал Ош шаардык кеңешинин депутаты болуп калгандан кийин Ош шаарынын мэри Б. Жетигенов анын айтканын кылат. Суроо туулат Ош шаарынын мэри Б. Жетигенов Президенттин оптималдаштыруу саясатын аткарар бекен, же болбосо О. Токторалиеванын коррупциялык схемасын калкалайт бекен?
Санариптештирүү заманы талабы менен айыл эли китеп окубайт, интернет аркылуу электрондук китеп окушат, интернет аркылуу маалымат алып, аудиокитептерди угушат.
Ошондуктан ишке келбей, айлык алган “өлүк жандар” 6 маданият кызматкерин кыскартып, оптимизация кылса болот. Бул менен бюджет каражатарды бир нече миллион сомго үнөмдөйбүз
Министрлер Кабинетинин төрагасы А.У. Жапаров: “Мындан ары Өкмөт ар бир ишканадагы “Тик-Ток көргөн бекерчилерди айдап, айлык төлөбөйбүз”- деп айткан. Премьер-Министр айткан бекерчилер “Тик-Ток” көрүп айлык алса, биздеги 6 маданият кызматкери эч иш кылбай айлык алышат. Бул нерсеге чек коюп, аларга кеткен акчага инфраструктураны оңдоо убакыты келди.
Кызыл-Кыштак айыл аймагында 50 миң эл жашайт. Бирок, Кызыл-Кыштакта: “Мен сага тийбейм, сен мага тийбе” - деген жаман адат болуп, маданият тармагында элге кызмат кылбаган, элге пайдасы жок, биро к коррупционерлерге пайдасы бар алты маданият кызматкери эч иш кылбай жергиликтүү бюджеттен бекерден айлык алышып, мамлекетке өзгөчө ири өлчөмдө зыян келтиришкен. Президенттин жарлыгы менен Кызыл-Кыштак Ош шаарынын курамына кирди. Ош шаарында китепканалар, маданият үйлөр, театрлар, филармония жана башка маданият тармагында кызмат көрсөткөн көптөгөн маданий объекттер болуп, алар шаардыктарга кызмат кылып жатат. Биз шаар курамына киргенибизден кийин, ал маданият объектилер бизга дагы кызмат кылышат. Коррупционерлердин уюгу болгон Кызыл-Кыштактагы алты маданият кызматкерин кыскартып, мамлекетке келтирген зыянды аныктап, төлөтүш зарыл. Жогоркулардын негизинде Сизден суранам:
1. 2024 жылга Ош шаардык жергиликтүү бюджет эсебинен Кызыл-Кыштак маданият үйү жана китепканасына акча каражаты ажыратпай, үнөмдөлгөн акчаны айылдын инфраструктурасын өнүктүрүүгө ажыратып берүүнүздү. Өзүн-өзү шайлап алган О. Токторалиеваны аялдар кеңешинен четтетип берүүнүздү.
2. О. Токторалиеванын келини китепканада иштебей, алган айлыктарын кустуруунузду. Китепканадагы китептерди 9 мектепке таркатып, китепкананы, маданият үйүн жана алты маданият кызматкердин штатын кыскартып берүүнүздү.
3. Кызыл-Кыштак маданият үйүн Кара-Суу районунан Ош шаардык маданият бөлүмүнүн балансына өткөррбөй, кыскартып берүүнүздү.
4. Китепкана менен маданият үйү жоюлгунга чейин, үч күн ичинде ал кабинеттерге видеокөзөмөл камералар орнотуп, алар ишке келбей, же болбосо эч иш кылбай айлык акы алганын көзөмөлдөп, тастыктап, кустуруп берүүнүздү.
5. Эгерде Ош шаарынын мэри Б. Жетигенов “өлүк жандын” айлыгын жеген О. Токторалиеваны калкаласа, видеокөзөмөл камералар орнотпосо, анда мэрди жоопкерчиликке тартуунузду.
Коррупционер жепжутаттын курмандарынан, 15.05.2024 ж.
