Бишкекте «Кыргызстан - кезектеги глобалдык IT дестинация» деген эл аралык форум өтүп жатат. 9-июнда «Hyatt Regency Bishkek» мейманканасында уюштурулган иш-чара Кыргызстандагы IT тармагын ишенимдүү өнөктөш катары таанытуу, дүйнөлүк ишкер чөйрө менен байланышты бекемдөө максатын көздөйт.
Форумду Кыргызстандагы Борбор Азиядагы лидерлик альянсы (CELA KG), Кыргыз Республикасынын жогору технологиялар паркы, Программа иштеп чыгуу жана тейлөө бирикмеси уюштурду. Ага АКШ, Германия, Британия, Тунис, Малайзия, Израил, Сауд Арабиясы, Оман, Египет, Индонезия, Шри-Ланка, Иордания, Пакистан, Ооганстан, Монголия жана Борбор Азия мамлекеттеринен 80ден ашуун жетекчи-адистер, инвесторлор катышууда.
Иш-чарага экс-президент Роза Отунбаева да барып сөз сүйлөдү.
