Жалал-Абад шаарында бош жумуш орундар жарманкеси өтүүдө. "Татыктуу ишке кадам" аталышындагы жарманкеге жергиликтүү тургундар, студенттер, кесиптик кошуундар, иш берүүчүлөр жана мекеме-ишканалардын өкүлдөрү катышып жатышат.
Жалпысынан ар кыл багыттагы 400дөн ашык бош орун сунушталды.
Жарманкеге келгендер «Ишти кантип издөө керек?» «Эмгек келишими деген эмне?» «Кесиптик кошун деген эмне?» «Жумуш орунундагы дискриминациядан (басмырлоодон) кантип коргонуу керек?» деген темадагы талкууларга катышып, серепчилерден кеп-кеңеш алып жатышат.
Уюштуруучулар - Жалал-Абад шаарынын мэриясы, иш менен камсыздоо башкармалыгы, "Жарандык коомду колдоо" борбору, Кесиптик кошуундар федерациясы, INTRAC эл аралык окутуу жана изилдөө борбору. (RsK)