Батыштын хакерлик чабуулдар жөнүндөгү соңку айыптоосун Москва “өзөктүк державалар ортосундагы чыңалууну күчөтүүгө багытталган коркунучтуу жол”, - деп баалады. Ингушетияда Чеченстан менен административдик чек араны аныктаган карама-каршылыктуу келишимге нааразы болгондор акциясын улантышууда. Нобель тынчтык сыйлыгы жыныстык зомбулукту согуш куралы катары колдонуу аракеттерин токтотууга кошкон салымдары үчүн конголук Денис Муквеге менен ирактык Надия Мурадга ыйгарылды. Коннор Макгрегор жана Хабиб Нурмагомедов эртең Лас-Вегаста абсолюттук чемпион наамы үчүн беттешет.