Кеше бірқатар депутаттар мұғалімдердің жалақысын көтеру туралы бастама көтерді. Тіпті қызды-қыздымен мың доллардан төлеу керек деп көсілгендері де болды. Әрине, жақсы ұстаздың шәкірті өзінен озатыны белгілі. Ал жақсы ұстазды қалыптастырып, одан білікті шәкірт күткіміз келсе, ұстаздардың жағдайын жасауымыз керек. Сананы тұрмыс билеген уақытта ел болашағын тәрбиелеп жатқан ұстаздарымыздың тым болмағанда материалдық мәселесі шешімін тауып отырса құба-құп болар еді.
