АУА РАЙЫ: Бүгін орталықта, солтүстік-батыста және солтүстікте топырақ бетінде үсік жүреді
АСТАНА. ҚазАқпарат - Бүгін Қазақстанның басым бөлігінде жауын-шашынсыз ауа райы күтіледі, тек оңтүстік-шығыста, солтүстік-шығыста және шығыста атмосфералық фронтальды бөліктердің өтуіне байланысты кей жерлерінде өткінші жаңбыр жауады, найзағай болады. Орталықта, солтүстік-батыста және солтүстікте топырақ бетінде үсік жүреді. Солтүстікте және орталықта кей жерлерінде тұман күтіледі. Кей жерлерінде жел күшейеді, оңтүстікте шаңды дауыл болады.