“Атлетико“ - “Барселона“ матчіндегі камбэк Ла лига көшбасшысын анықтады
Каталониялық "Барселона" мадридтік "Атлетиконы" жеңіп, Испания чемпионатының турнир кестесіндегі бірінші орнын сақтап қалды, деп хабарлайды Tengri Sport.
Ойынның 10-минутында "Барселонаның" айып алаңында Хулиан Альварестің тамаша пасынан кейін Джулиано Симеоне есеп ашты.
Алаң иелері бір тайм бойы басымдықты сақтап отырды, бірақ 45-минутта "Атлетиконың" айып алаңындағы таластан кейін допқа бірінші болып Фермин Лопес жетіп, есепті 1:1 етті. 66-минутта Лопес Ламин Ямальдің пасын сәтті пайдаланып, командасын алға шығарды.
Кездесу соңында Мортен Хьюлманн төрешімен дауласып, ескерту алды, бірақ бұл матч тағдырын өзгертпеді. Есеп - 1:2 "Барселонаның" пайдасына.
"Барселона" турнир кестесіндегі көшбасшылықты сақтап қалдыАйта кетейік, осы кзедесу алдында "Реал" "Валенсияны" 0:3 есебімен ұтып, каталониялықтармен ұпай бойынша теңесті. Егер жеңіске жеткен жағдайда "Атлетико" бірінші орынға шығар еді.
Нәтижесінде "Барселона" 33 ұпаймен турнир кестесінде көш бастады, "Реал" 30 ұпаймен екінші орында, ал "Атлетико" 28 ұпаймен үшінші орында тұр. Бұл ретте командалар өзара кездесу өткізіп үлгерді. 2:1 есебімен "Атлетико" "Реалды" ұтса, "Барселона" 1:2 есебімен "Реалдан" ұтылды. 14 турдан кейінгі Ла лига кестесі
"Барселона" - 33 ұпай;
"Реал Мадрид" - 30 ұпай;
"Атлетико Мадрид" - 28 ұпай;
"Реал Бетис - 26 ұпай;
"Реал Сосьедад" - 22 ұпай.
Футболдан Қазақстан құрамасы капитанының екінші сәбиі дүниеге келді