Дастан Сәтбаев “Челсидің” тыйымынан кейін алаңға шықты
18 жастағы шабуылшы негізгі құрамға енбегенімен, 61-минутта есеп 1:1 болып тұрғанда алаңға қосылды.
Flashscore порталы Сәтбаевтың 29 минуттық ойынына "6.4" деген баға берді. Дастан қақпаға соққы бағыттай алмағанымен, тоғыз пастың барлығын нысанаға дәл жеткізді.
20-минутта Джейми Варди "Бернлиді" алға шығарса, 39-минутта Фер Лопес таразы басын теңестірді. Сәтбаев алаңға шыққаннан кейін 10 минут өткенде Таванда Чирева "Вулверхэмптонды" алға шығарып, кездесудің түпкілікті есебін орнатты – 1:2.
"Бернли" 11 матчте бесінші рет жеңіліске ұшырады. Қазір олардың еншісінде сегіз ұпай бар және 24 команданың ішінде 21-орында тұр.
Instagram-дағы бұл жарияланымды көру
Burnley Football Club (@burnleyofficial) жарияланымы
Дастан Сәтбаев жарақат алып, бір айдан аса уақытты өткізіп алды
Еске салайық, Дастан Сәтбаев 2 қыркүйекте "Мидлсброға" қарсы матчте жарақат алып, 10 қазанда "Уотфордпен" өткен жеңісті ойында алаңға қайта оралған болатын.
13 қазанда "Бернли" "Чарльтонмен" кездесті, бірақ Сәтбаев тіпті өтінімге де ілікпеді. Ойыннан кейін бас бапкер Ники Хайен лондондық "Челси" басшылығы ойыншыны алаңға шығаруға тыйым салғанын мәлімдеді.
Instagram-дағы бұл жарияланымды көру
Дастан Сәтбаевтың (@d.satpayev) жариялауы
"Бернли" 11 матчте бесінші рет жеңіліске ұшырады. Қазір олардың еншісінде сегіз ұпай бар және 24 команданың ішінде 21-орында тұр.
Сәтбаевтың командасы келесі кездесуін сенбіде, 24 қазанда өткізеді. Қарсыласы – "Линкольн Сити", ал матч Қазақстан уақытымен сағат 19:00-де басталады.