Еңбекмині атына туыстарының пәтерлері мен көліктері рәсімделген адамдарға ескерту жасады

Атыңызға рәсімделген туыстарыңыздың пәтерлері мен автокөліктері әлеуметтік көмек тағайындау кезінде отбасыңыздың әл-ауқатын бағалауға әсер етуі мүмкін. Бұл туралы ОКҚ брифингінде еңбек және халықты әлеуметтік қорғау бірінші вице-министрі Ербол Тұяқбаев айтты, деп хабарлайды Tengrinews.kz тілшісі.
Министрліктің мәліметінше, егер мүлік туыстарына тиесілі болып, бірақ құжат бойынша басқа адамның атына жазылса, ақпараттық жүйелер оны автоматты түрде анықтайды.
Өзге адамның мүлкі отбасыңыздың әл-ауқатын бағалауға және жәрдемақы тағайындауға кедергі келтірмеуі үшін мемлекеттік дерекқордағы бұл мәліметтерді түзету қажет. Ол үшін Еңбек және халықты әлеуметтік қорғау министрлігіне, әкімдікке жүгінуге немесе электрондық сервистерді пайдалануға болады.

"Біз мұндай мүмкіндікті осы мақсатта беріп отырмыз. Мұндай жағдайлар кездесуі мүмкін, сондықтан оларды бірлесіп пысықтаймыз, ешқандай мәселе туындамауы тиіс", - деді Тұяқбаев.

Бұған дейін қазақстандықтарға келесі аптадан бастап әл-ауқаттарының деңгейі туралы хабарлама жіберіле бастайтыны хабарланған болатын. Сонымен қатар отбасылардың әл-ауқат санатын тексеруге арналған калькулятор eGov-та іске қосылады.
Тағы оқыңыз: Bentley, бизнес және миллиондар: министр Қазақстанда кімдер жәрдемақысыз қалатынын айтты