“Бұл қаланы жақсы көремін“ - Рыбакина Алматы туралы жылы лебіз білдірді
Рыбакина өзі үшін ерекше орны бар төрт қаланы атап, олардың әрқайсын неліктен жақсы көретінін түсіндірді.
"Мен Мәскеуді атар едім, өйткені сол қалада дүниеге келдім. Алматыны да ерекше жақсы көремін. Сондай-ақ, Мельбурн мен Лондонды айтар едім. Ол жақтарда достарым көп. Оның үстіне Лондонда Уимблдон турнирінде жеңіске жеттім", – деді Рыбакина.
Лена Рыбакина үшін төрт ерекше орын: ???????? Мәскеу ???????? Алматы ???????? Мельбурн ???????????????????????????? Лондон Ол әрқашан орыс қызы болып қала береді ???????? https://t.co/ea544nwq91
— Nick Ally ✝️ (@nick_ally1986) 9 қазан, 2026 жыл
Елена Рыбакина – әлемнің үздік теннисшісі
Еске салайық, Елена Рыбакина кәсіби теннистегі жолын 2016 жылы бастаған. Содан бергі он жыл ішінде ол WTA турнирлерінде 14 мәрте чемпион атанды. Оның ең ірі жетістіктерінің қатарында 2022 жылғы Уимблдон, 2025 жылғы WTA қорытынды турнирі, 2026 жылғы Australian Open және US Open жарыстарындағы жеңістері бар.
US Open турнирінде топ жарғаннан кейін Рыбакина мансабында алғаш рет әлемдік рейтингтің көш басына шықты. Қазір ол беларусьтік Арина Соболенкодан 2091 ұпай алда келеді. Дегенмен жыл аяғына дейін теннисшілерді әлі бірнеше турнир күтіп тұр. Сондықтан рейтингтегі жағдай өзгеруі мүмкін.
Instagram-дағы бұл жарияланымды көру
Elena Rybakina ???? (@lenarybakina) жариялаған жазба
Алайда әлемнің бірінші ракеткасы атанғаннан кейінгі алғашқы кездесуінде Рыбакина тосын жеңіліске ұшырады. Ол әлемдік рейтингте 118-орында тұрған армениялық Алина Чараевадан ұтылып қалды.