Сейсенбіде Астанада жарық, газ және ыстық су өшіріледі: мекенжайлар тізімі
Сейсенбі, 29 қыркүйекте, Астана тұрғындарының бір бөлігі электр жарығынсыз, газсыз және ыстық сусыз қалады. Уақытша шектеулер техникалық жұмыстарға байланысты енгізіліп отыр. Бұл туралы әкімдіктің қалалық мониторинг және жедел әрекет ету орталығы құлағдар етті, деп хабарлайды Tengrinews.kz.
29 қыркүйекте ыстық суды өшіру 20-дан астам көшені қамтиды. Бұл негізінен оң жағалаудағы көшелер, бірақ тізімде сол жағалаудағы мекенжайлар да бар.
Өшірудің негізгі себептері – шарлы кранды ауыстыру, ойып орнату және сынақ жұмыстары.
Мекенжайға байланысты жарық 08:00-ден 17:00-ге дейін, 09:00-ден 22:00-ге дейін, 10:00-ден 10:40-қа дейін және 14:00-ден 16:00-ге дейін болмайды.
Астанада ыстық су өшіріледі. Дереккөз: t.me/ikomek109
Бұл күні елорданың 40-тан астам көшесінде электр қуаты өшіріледі. Кей жерлерде жарық екі сағаттай болмаса, кейбір мекенжайларда таңертеңнен кешке дейін тоқтатылады. Себебі – ажыратқыштарды ауыстыру және ағаш кесу жұмыстары.
Астанада электр қуаты өшіріледі. Дереккөз: t.me/ikomek109
Сондай-ақ қалалық мониторинг және жедел әрекет ету орталығы Тельман ауданы, Ақкемер көшесі, 3 мекенжайы бойынша 10:00-ден 18:00-ге дейін газ өшірілетінін хабарлады. Бұған газ құбырын жаңарту жұмыстары себеп болған.
Бұған дейін 29 қыркүйекте Астанада қатты жел соғып, үсік жүретіні хабарланған болатын. Толығырақ мына сілтеме арқылы оқыңыз.