Тоқаев Қорғаныс министрлігіндегі істердің жай-күйін тексеру жөніндегі комиссия құруды тапсырды
"Мемлекет басшысының өкімімен Қазақстан Республикасының Қорғаныс министрлігіндегі істердің жай-күйіне кешенді тексеру жүргізу жөніндегі комиссия құрылды", - делінген хабарламада.
Комиссия құрамына:
Балаева Аида Ғалымқызы – Қазақстан Республикасы Қауіпсіздік Кеңесі төрағасының орынбасары, Комиссия төрағасы;
Смайылов Әлихан Асханұлы – Қазақстан Республикасы Жоғары аудиторлық палатасының төрағасы, Комиссия төрағасының орынбасары;
Жиенбаев Ержан Нұрланұлы – Қазақстан Республикасы Президенті Әкімшілігі Басшысының орынбасары;
Элиманов Жанат Қалдыбекұлы – Қазақстан Республикасы Қаржы мониторингі агенттігінің төрағасы;
Баймұқашев Мұрат Қалибекұлы – Қазақстан Республикасы Қауіпсіздік Кеңесі Аппаратының басшысы;
Тәкиев Мәди Төкешұлы – Қазақстан Республикасының қаржы министрі;
Өмірәлиев Жандос Жәнібекұлы – Қазақстан Республикасы бас прокурорының бірінші орынбасары;
Алтынбаев Әли Сапарғалиұлы – Қазақстан Республикасы Ұлттық қауіпсіздік комитеті төрағасының бірінші орынбасары;
Әмрин Азамат Кемеңгерұлы – Қазақстан Республикасының Ұлттық экономика бірінші вице-министрі.
"Комиссия жеті күн ішінде атқарылған жұмыстың алғашқы нәтижелерін баяндауға тиіс. Осы өкім қол қойылған күннен бастап күшіне енеді", - делінген хабарламада.
24 қыркүйекте Маңғыстау облысында өткен әскери-теңіз оқу-жаттығуы кезінде 14 әскери қызметші қаза тапты. Оқиғаның себеп-салдарын анықтау үшін Үкіметтік комиссия құрылды.
Іс бойынша Қарулы күштердің бес лауазымды тұлғасы ұсталды. Олардың барлығы күдікті деп танылып, уақытша ұстау изоляторына қамалды.
Ұсталғандардың арасында ҚР Қарулы күштері Әскери-теңіз күштері бас қолбасшысының бірінші орынбасары - штаб бастығы, екі әскери бөлімнің командирі, сондай-ақ, теңіз жаяу әскерлері ротасының және катердің командирлері бар.