Азиаданың бес дүркін чемпионы жеңісінен кейін мансабын аяқтайтынын айтты
Қазақстан құрамасының көшбасшысы жекелей сында жеңіске жетіп, 41:24.05 уақытта жүріп өткен еді.
Алексей Луценко үшін бұл мансабындағы төртінші Азия ойындары, ал жеңіп алған алтыны - құрлықтың басты додасындағы бесінші жүлдесі.
"Қазақстан атынан Азия ойындарында жеңіс тұғырының ең биік сатысына көтерілу мен үшін әрдайым ерекше қуаныш. Оның үстіне бүгінгі күніміз жақсы жаңалықпен басталды: Рината Сұлтанова алтын медаль жеңіп алды. Бұл бізге жігер беріп, бүкіл құраманың рухын көтерді", - деді спортшы.
Instagram-дағы бұл жарияланымды көру
Kazakhstan Olympic Team (@olympickz) жариялаған жазба
Сондай-ақ, 34 жастағы велошабандоз қолдау көрсеткен және дайындыққа көмектескен жандардың бәріне алғыс айтып, бас жаттықтырушы Дмитрий Муравьевке жеке ризашылығын білдірді.
"Жыл басы мен үшін сәтті бола қойған жоқ. Спортта жеңіс те, жеңіліс те қатар жүреді. Менің басымнан өткен жағдайдың қиындығы сонша, жаттығу кезінде тура мағынасында құлап қалдым. Дмитрий кәсіби спортшы болғандықтан, қандай кезеңнен өтіп жатқанымды жақсы түсінді. Ол мені үнемі қолдап, жігерлендіріп отырды. Соның арқасында Азия ойындарына тыңғылықты дайындалып, осындай нәтижеге қол жеткіздім", - деп толықтырды Алексей.
Instagram-дағы бұл жарияланымды көру
Kazakhstan Olympic Team (@olympickz) жариялаған жазба
Айта кетейік, Луценко Азиадада алғаш рет 2014 жылы топ жарған болатын. Сондай-ақ, ол 2018 және 2022 жылдары да жеңімпаз атанды. Қазір спортшының қоржынында Азия ойындарының бес "алтыны" мен бір "күмісі" бар.
Алтын: Инчхон-2014 - жекелей сын, Джакарта-2018 - топтық жарыс, Джакарта-2018 - жекелей сын, Ханчжоу-2022 - жекелей сын, Аичи-Нагоя-2026 - жекелей сын.
Күміс: Ханчжоу-2022 - топтық жарыс.
Instagram-дағы бұл жарияланымды көру
Влад Семёновтың жарияланымы|Фотограф|Алматы (@semyonov_art)
XX жазғы Азия ойындары 19 қыркүйек пен 4 қазан аралығында өтеді. Дүбірлі додада Қазақстан намысын 558 спортшы қорғайды.
Қазір Қазақстан құрамасының қоржынында 6 медаль - 4 алтын және 2 қола бар.