“Қазгидромет“ Алматы мен Атырау тұрғындарына ескерту жасады
"Қазгидромет" ресми сайтында Алматы мен Атырау тұрғындарына ескерту жариялады, деп хабарлайды Tengrinews.kz.
Ақпарат жұмадағы ауа сапасы болжамына қатысты.
"18 қыркүйекте қолайсыз метеорологиялық жағдай Алматыда, түнде Атырауда болжанады", - делінген хабарламада.
Ауаның ластануы түріндегі қолайсыз метеожағдай - бұл атмосфераның жерге жақын қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (желсіздік, әлсіз жел, тұман, инверсия) жиынтығы.
Синоптиктердің болжамы бойынша, Алматыда күн райы құбылмалы болады, жауын-шашын болмайды. Солтүстік-шығыстан соғатын желдің жылдамдығы секундына 3-8 метрге жетеді. Ауа температурасы түнде 12-14 градус, күндіз 27-29 градус жылы болады.
Атырауда күн райы құбылмалы, жауын-шашынсыз болады. Солтүстік-батыстан соғатын желдің жылдамдығы түнде секундына 1-6, күндіз 5-10 метрге жетеді. Ауа температурасы түнде 14-16 градус, күндіз 24-26 градус жылы болады.
Астанада жаңбыр, Алматыда +31 градусқа дейін ыстық: үш күнге арналған ауа райы болжамы
Бұған дейін "Қазгидромет" алдағы күндерге арналған ауа райы болжамын ұсынған болатын. Күн суытып, жауын-шашын тоқтағаннан кейін ел аумағына жаңа циклон ықпал етіп, жаңбыр, найзағай және екпінді жел әкеледі деп хабарланды. Бұл ретте оңтүстік өңірлер жылы ауа массалары ықпалында қалатындықтан, онда негізінен жауын-шашынсыз әрі жылы ауа райы сақталады.
Тағы оқыңыз: Супер-Эль-Ниньо және Қазақстан климаты: 75 жылдық бақылаулар нені көрсетті?