Месси 4 гол соғып, “Интер Майами“ 7:1 есебімен жеңіске жетті
Майамиде өткен кездесу алаң иелерінің 7:1 есебіндегі жеңісімен аяқталды.
Матчтың басты қаһарманы Лионель Месси болды. Аргентиналық футболшы төрт гол соғып, покер жасады. Ол 40, 52, 83 және 90+6-минуттарда қарсылас қақпасын дәл көздеді. Сонымен қатар бір нәтижелі пас берді.
"Интер Майами" сапынан тағы үш голды Каземиро, Луис Суарес және Александер Шоу соқты. Каземиро жаңа клубындағы алғашқы голын салса, Шоу негізгі команда сапындағы алғашқы голын тіркеді.
Айта кетейік, Месси осы кездесуде екі голды айып добынан тікелей соқты.
Осы матчтан кейін аргентиналық футболшы MLS-тің биылғы маусымындағы гол санын 18-ге жеткізіп, лиганың үздік сұрмергендер көшінде бірінші орынға шықты. Оның еншісінде 18 гол және 10 нәтижелі пас бар.
Бір матчта Лео Мессидің айып соққысынан соққан бір емес, ЕКІ голы ????(арқылы @MLS)pic.twitter.com/V5J6eXxrYg
— B/R Football (@brfootball) 30 тамыз, 2026
"Интер Майами" чемпиондық үшін таласып жатыр
"Интер Майами" бұл матчқа дейін барлық турнирдегі бес кездесуде жеңіске жете алмаған еді. "Монреальды" 7:1 есебімен жеңу арқылы команда сәтсіз сериясын тоқтатты. Бұл нәтиже клуб тарихындағы ең ірі жеңістердің бірі ғана емес, ең үлкен есеп айырмасымен тіркелген жеңіс болды.
Жеңістен кейін "Интер Майами" 22 матчтан соң 42 ұпай жинады. Команда MLS плей-офф кезеңіне шығу және чемпиондық атақ үшін күресін жалғастырып жатыр.
Instagram-дағы бұл жарияланымды көру
Inter Miami CF (@intermiamicf) жарияланымы
Instagram парақшамызға жазылып, ең қызықты ақпараттарды бірінші болып оқыңыз!