Қазақстан дзюдодан әлем чемпионатында үшінші алтынды жеңіп алды

Қазақстандық дзюдошы Әділжан Жаудинов кадеттер арасындағы әлем чемпионатының алтын медалін иеленді. Жарыс Эквадорда өтіп жатыр, - деп хабарлайды Tengri Sport.90 келіден жоғары салмақ дәрежесінде қазақстандық спортшы қосымша уақытта ресейлік балуан Абдулманаф Рамазановтан басым түсті.Әлемдік рейтингтегі төртінші орнының арқасында Жаудинов турнирді екінші айналымнан бастады. Алғашқы жекпе-жегінде жапондық Кога Терукиді қапы қалдырса, ширек финалда бразилиялық Жозе Паулу Перейрадан басым түсті. Ал жартылай финалда қазақстандық балуан Франция өкілі Азриэль Декенн Диффоны жеңді.











Instagram-дағы бұл жарияланымды көру

KAZ JUDO TEAM (@kaz_judoteam) парақшасынан жарияланым


Осылайша, Қазақстан құрамасы Эквадорда өткен дзюдодан жасөспірімдер арасындағы әлем чемпионатының жекелей сынын 10 медальмен аяқтады.
Команда қоржынында үш алтын, үш күміс және төрт қола жүлде бар. Қазақстан жалпы медальдық есепте екінші орынға табан тіреді.
Алтын

Ғабит Расулхан (60 келіге дейін);
Фатима Сұпығалиева (52 келіге дейін);Әділжан Жаудинов (90 келіден жоғары).

Күміс

Адия Жанахмет (40 келіге дейін);Әділжан Нұрбекен (50 келіге дейін);Інжу Жұмажан (57 келіге дейін).

Қола

Бекарыс Құдайберген (50 келіге дейін);
Ахмет Баубек (60 келіге дейін);
Ерік Үсенов (66 келіге дейін);
Еркен Бекәлі (73 келіге дейін).













Instagram-дағы бұл жарияланымды көру

KAZ JUDO TEAM (@kaz_judoteam) парақшасынан жарияланым


Еске салайық, алғашқы алтынды кадеттер арасында әлем чемпионы атанған қазақстандық дзюдошы Ғабит Расулхан иеленген болатын.