Балапан жүре алмаған: Қостанай тұрғыны құсқа көмектесудің ерекше әдісін ойлап тапты
Не болды?
Құтқару оқиғасы туралы Қостанай тұрғыны Юлия Instagram парақшасында бөлісті. Оның айтуынша, ол өз тауықтарының ішінен аяғы қисық балапанды байқап, оған картоннан гипс жасап беруді ұйғарған.
"Біз оған картон мен лейкопластырьдан осындай аяқтар жасап, орап қойдық. Енді ол бір-екі күн үйде отырады, содан кейін қалыпты жүре бастауы керек", - деді Юлия.
Instagram-дағы бұл жазбаны көру
A post shared by АКВАГРИМ с нуля•ОНЛАЙН ОБУЧЕНИЕ•ДОХОД (@alieva_juli)
Бұл видео 700 мыңға жуық қаралым жинады. Бейнеролик астындағы пікірлерде желі қолданушылары әйелдің қамқорлығына ризашылық білдіріп, балапанның сауығып кеткен-кетпегенін сұрап жатты.
"Зергерлік жұмыс сияқты шығыпты! Жарайсыз!"
"Менің қолымнан келмеді: жүре бастағандай болып еді, қатты қуанып едім, бірақ кейін қайта нашарлап кетті... Қорапта 3,5 ай өмір сүрді, жүре алмады, тек жатты. Екі күн бұрын өліп қалды, бірақ мен оған тым болмаса осы айларда өмір сүруге мүмкіндік бердім"
"Егер әйел адам біреуді құтқарғысы келсе, оның құтқарылмауы мүмкін емес!"
"Бізде де сондай болған, өзі жазылып кетті. Біз оны еркелетіп "Доходяга" деп атайтынбыз. Өскенде өте нәзік әрі момын тауық болды!"
"Аяқтары қалай болды? Ол аман ба?"
Балапанның тағдыры не болды?
Бұл оқиға әлеуметтік желілерде тараған соң, көпшілік балапанның қазіргі жағдайын білгісі келді. Юлияның айтуынша, ол тез сауығып кеткен - үшінші күні-ақ өз бетінше жүгіре бастап, қазір басқа құстармен бірге тұрып жатыр.
"Балапан үшінші күні-ақ өз аяғымен жүгіріп кетті. Біз тауықтарды тек жұмыртқа үшін ұстаймыз, сондықтан барлық құстарымыз қауіпсіздікте және өмір сүре береді", - деді ол.
Оның айтуынша, кішкентай балапан аяғын жұдырықтай түйіп жатқан соң, ол бірден әрекет етуді ұйғарған.
Дегенмен, жануарларға арналған қолдан жасалған құрылғыларды емдеудің әмбебап әдісі ретінде қабылдамаған жөн: жарақаттар немесе туа біткен ауытқулар кезінде ветеринарға жүгінген дұрыс.