Астанада LRT мен автобустарда жүру бір күнге тегін болады
23 тамызда, Құрылтай депутаттарының сайлауы өтетін күні Астана қаласының қоғамдық көлігінде жол жүру тегін болады. Бұл туралы City Transportation Systems (CTS) компаниясы мәлімдеді, деп хабарлайды Tengrinews.kz.
CTS мәліметінше, бұл шара азаматтардың жүріп-тұруына қолайлы жағдай жасауға және сайлау учаскелерінің қолжетімділігін арттыруға бағытталған.
Тегін жол жүру келесі бағыттарда қолданылады:
Tarlan Astana жеңіл рельсті көлік жүйесінде;қалалық бағдарларда;экспресс-бағдарларда;қала маңындағы бағдарларда.
Жолаушылардан сапарларын жоспарлау кезінде осы ақпаратты ескеру сұралады.Құрылтай сайлауы
Еске сала кетейік, Құрылтай сайлауы (Қазақстанның бірпалаталы Парламенті) 23 тамызға белгіленген. Сайлауға 7 саяси партия қатысады, олардың тізімінде 546 кандидат бар.
Бірпалаталы Парламентке көшу конституциялық реформаның негізгі бөліктерінің бірі болды. Жаңа Конституция жобасында Құрылтай құрамына 145 депутат кіретіні, ал олардың өкілеттік мерзімі 5 жыл болатыны қарастырылған.