Өскеменде әскери полиция мерзімді қызметтегі сарбазға іздеу жариялады
Мәліметтерге қарағанда, 23 шілде күні сағат 06:30 шамасында 2004 жылы туған қатардағы жауынгер Мархан Айқын Ерланұлы қызмет орнын өз бетімен тастап кеткен. Әскери қызметші зымыран-артиллериялық қару-жарақ қоймасы бойынша кезекші міндетін атқарып жүрген.
Болжам бойынша, ол әскери бөлім аумағынан үстіндегі формасымен шығып кеткен, алайда кейін азаматтық киім киіп алуы да мүмкін. Оның қарусыз болғаны хабарланды.
Іздеудегі адамның белгілері: бойы шамамен 177 сантиметр, салмағы 80 келі көлемінде, дене бітімі орташа. Көзі мен шашы қара, шашы қысқа алынған. Бетінде меңдері бар.
Қазіргі уақытта әскери полиция қызметкерлері ішкі істер органдарымен бірлесіп іздестіру шараларын жүргізіп жатыр. Қазақстан тұрғындарынан әскери қызметшінің жүрген жерін анықтауға көмектесетін қандай да бір ақпарат болса, хабарлау сұралады.
Ведомство хабарласқандардың құпиялылығына кепілдік берілетінін атап өтті. Іздестіру шаралары Қазақстан Республикасы Қарулы күштері Әскери полициясы бас басқармасы басшылығының бақылауында.
Instagram-дағы бұл жарияланымды көру
ӘСКЕРИ ПОЛИЦИЯ (@military_police_kz) жарияланымынан