“Реалдың“ бразилиялық форварды ӘЧ-2026-дағы сәтсіздіктен кейін келбетін өзгертті
Мадридтік "Реал" мен Бразилия құрамасының шабуылшысы Винисиус Жуниор Әлем чемпионатындағы өнерінен кейін пластикалық ота жасатуға бел буды. Ойыншының келбеті қазірдің өзінде өзгерген, деп хабарлайды Tengri Sport tmc.com сайтына сілтеме жасап.
БАҚ мәліметінше, ұлттық құрама ӘЧ-2026-дан шығып қалған бойда Винисиус келбетін өзгерту үшін Гояния қаласына аттанған.
"Кіші-Вини таңдаған иекті үлкейту техникасы - бұл филлер көмегімен бет контурын қалыптастыратын эстетикалық процедура. Ол келбетін байқатпай әрі табиғи түрде түзеткісі келетін спортшылар мен танымал арасында арасында сұранысқа ие", - деп жазады басылым.
Бұл ретте клиникада құпиялылықты барынша сақтау үшін барлық шара қабылданғанымен, ақпарат бәрібір баспасөз беттеріне тарап кетті.
Осыдан кейін журналистер Винисиустың жаңа суреттерін мұқият зерттей бастап, көп ұзамай расында айырмашылық байқалатынын анықтады.
Фото: отаға дейін және одан кейін//instagram.com/vinijr/
Бразилия құрамасы ӘЧ-2026-да сәтсіздікке ұшырады
Еске сала кетейік, бес дүркін Әлем чемпиондары 2026 жылғы мундиальда 1/4 финалға да жете алмады. Команда плей-офф кезеңінің екінші раундында Норвегия құрамасына 1:2 есебімен есе жіберіп, чемпионатпен қоштасты.
Винисиус топтық кезеңде команданың үздік ойыншыларының бірі болды - 4 гол соғып, 1 нәтижелі пас берді. Алайда плей-оффтың екі матчінде бірде-бір нәтижелі іс-қимылымен көзге түсе алмады.
Турнирден кейін мадридтік "Реал" шабуылшысы бұрынғы сүйіктісі Вирджиния Фонсекамен бірге жүрген жерінен байқалды. Ол мамырдың ортасында ойыншымен айырылысқанын жариялаған болатын.
Após eliminação na Copa, Vini Jr. comemora aniversário na Itália ao lado de Virginia Fonseca.A influenciadora apareceu sentada no colo dele durante um passeio de iate.E você aí triste com a eliminação do Brasil e sofrendo com o avanço da Argentina. pic.twitter.com/qFAdbGusMD
- Vox Liberdade (@VoxLiberdade) 13 шілде, 2026
Лионель Месси мансабын аяқтау туралы шешім қабылдады - инсайдер
Мадридтегі той: миллиондаған жанкүйер Испанияның футболдан ӘЧ-дегі жеңісін атап өтті