Қазақстан - Үндістан жекпе-жектері Қазақстанға Азия чемпионатының екі алтын медалін әкелді
80 келіге дейінгі салмақ дәрежесіндегі финалдық жекпе-жекте Убайдуллақызының қарсыласы үндістандық боксшы Мега Шеоканд болды. Кездесу толық аяқталып, төрешілердің шешімімен қазақстандық спортшы жеңіске жетті. Осылайша, Айдана Убайдуллақызы бокстан 19 жасқа дейінгілер арасындағы Азия чемпионатының алтын медалін иеленді.
Instagram-дағы бұл жарияланымды көру
Kazakhstan Boxing Federation (@boxingkazakhstan) жариялаған жазба
80 келіден жоғары салмақ дәрежесінде сынға түскен тағы бір қазақстандық Зарина Толыбай да Үндістан өкілі Пречи Токаспен жұдырықтасты. Төрешілер жеңісті бірауыздан қазақстандық боксшыға берді.
Осылайша, Зарина Толыбай Қазақстан қоржынына 19 жасқа дейінгілер арасындағы 2026 жылғы Азия чемпионатының алтынын салды.
Instagram-дағы бұл жарияланымды көру
Kazakhstan Boxing Federation (@boxingkazakhstan) жариялаған жазба
Еске сала кетейік, 19 жасқа дейінгі және 23 жасқа дейінгі спортшылар арасындағы бокстан Азия чемпионаты Джакартада (Индонезия) өтіп жатыр. Турнир ертең ерлер командаларының қатысуымен өтетін финалдық бәсекелермен аяқталады.
Бұған дейін бокстан Азия біріншілігінің алғашқы алтынын Камила Оспанова жеңіп алған болатын. Ол финалда өзбекстандық Мафтуна Янгиеваны тізе бүктірді..