Ермұхамет Ертісбаев қызметінен кетті
Ермұхамет Ертісбаев Қазақстан Халық партиясының (ҚХП) төрағасы қызметінен кетті. Бүгін ҚХП-ның кезектен тыс съезінде жаңа төраға сайланды, - деп хабарлайды Tengrinews.kz партияның ресми сайтына сілтеме жасап.
ҚХП-ның жаңа төрағасы болып 40 жастағы кәсіпкер Нұрсұлтан Шоқанов сайланды. Ол 2021 жылдан бастап Қазақстан Халық партиясынан Алматы қаласы мәслихатының VII және VIII шақырылымдарының депутаты болды, ал 2022 жылғы желтоқсаннан бастап партияның Алматы қалалық, кейін Алматы облыстық филиалдарын басқарды.
Басшылықтың ауысуы туралы айта келе, Ертісбаев жаңару кез келген саяси ұйым дамуының табиғи кезеңі екенін, әсіресе жаңа Конституция қабылданғаннан кейін Қазақстан бастан кешіріп жатқан ауқымды саяси өзгерістер жағдайында бұл өте маңызды екенін атап өтті.
"Дамудың кез келген кезеңі жаңаруды талап етеді", - деді ол.
Ермұхамет Ертісбаев биыл 70 жасқа толады. Ол әр жылдары Қазақстанның Беларусьтегі елшісі, Грузиядағы елшісі, Президент кеңесшісі, мәдениет және ақпарат министрі қызметтерін атқарған. Ертісбаев ҚХП қатарына 2026 жылғы 5 маусымда 2022 жылғы наурызда қосылып, арада 10 күн өткенде партияны басқарды.
Еске салайық, 13 маусымда Азат Перуашев "Ақ жол" партиясының төрағасы өкілеттігін тоқтатқан болатын. Перуашев партия тізгінін 2011 жылдан бері ұстап келді.