Қазақстан құрамасының ойыншысы Франция чемпионатының топ-клубына ауысты
Қазақстан үстел теннисі федерациясының мәліметінше, француз клубымен келісім бір жылға есептелген. Маусым қыркүйектің ортасында басталады, Алан сол кезде команда сапында алғашқы ойынын өткізе алады.
"Келіссөздер өте ұзаққа созылды деп айта алмаймын. Барлығы бір аптадан сәл ғана артық уақыт алды. Клуб қызығушылық танытты, сондықтан барлық мәселені тез талқылап, ортақ келісімге келдік", - деп келтіреді Құрманғалиевтің сөзін баспасөз қызметі.
Айта кетейік, "Аннебон" Франция чемпионатының элиталық про-лига дивизионында өнер көрсетеді. Команда бес рет ұлттық чемпионатты жеңіп алса, екі мәрте ETTU Cup Еуропа кубогінің иегері атанған.
Аланға келер болсақ, ол небәрі 19 жаста, бірақ ол ересектер арасындағы Қазақстан чемпионатын жеңіп, беделді кәсіби турнирлердің жүлдегері атанған.
Үстел теннисінен Қазақстан құрамасы жаңа рекорд орнатты
Еске сала кетейік, үстел теннисінен Қазақстан ерлер құрамасы мамырда өткен Әлем чемпионатында өз тарихында алғаш рет 1/8 финалға дейін жеткен болатын.
Осы жетістіктің арқасында Қазақстан командасы әлемдік рейтингте 18-орынға көтерілді.
Аланнан бөлек, Қазақстан құрамасы сапында Кирилл Герасименко өнер көрсетеді, ол сондай-ақ шетелдік "Вердер Бремен" (Германия) клубының намысын қорғайды.
Instagram-дағы бұл жарияланымды көру
@insports.kz жарияланымы
Қазақстан ӘЧ-дағы тарихи жетістіктен кейін әлемдік рейтингте көтерілді