Солтүстік Қазақстанда әйел қауіпті әрекеттен кейін ауыр күйік алды
Солтүстік Қазақстан облысында 42 жастағы әйел үстіне бензин құйып, өзін-өзі өртеді. Төтенше жағдай 30 сәуірге қараған түні Аққайың ауданының Астраханка ауылында болған, деп хабарлайды Tengrinews.kz тілшісі.
Жеке үйлердің бірінде әйел үстіне жанар-жағармай құйып, от қойған. Жедел жәрдем оны денесінің 80 пайызға жуығын термиялық күйік шалған және ауырсыну шогы жағдайында ауруханаға жеткізді.
"Пациенттің жағдайы ауыр. Ол аудандық ауруханадан Петропавлға, қалалық көпбейінді жедел медициналық көмек ауруханасына ауыстырылды", - деп хабарлады Tengrinews.kz-ке облыстық денсаулық сақтау басқармасының баспасөз хатшысы Гүлнәр Сайлау.
Әйелдің мұндай қиын қадамға бару себебі әзірге белгісіз, жағдайды полиция тексеріп жатыр.
"Аталған факті бойынша полиция сотқа дейінгі тергеу амалдарын бастады. Әйел медициналық мекемеге жеткізілді. Мән-жайлар анықталып, қажетті тергеу әрекеттері жүргізіліп жатыр", - деп хабарлады СҚО Полиция департаментінің баспасөз қызметі.