Елена Рыбакина Мадрид турнирін камбэкпен бастады

Бүгін, 24 сәуірде, Қазақстанның және әлемнің екінші ракеткасы Елена Рыбакина Мадридтегі (Испания) WTA 1000 санатындағы турнирді жеңіспен бастады, деп хабарлайды Tengri Sport.

Ол жарыс жолын екінші айналымнан бастап, румыниялық Елена-Габриэла Русені 4:6, 6:3, 7:5 есебімен қапы қалдырып, ерік-жігерінің арқасында жеңіске жетті.

Камбэк жасаған қазақстандық теннисші келесі айналымға жолдама алды. Енді Рыбакина америкалық София Кенинге қарсы ойында дәл сондай ерік-жігер танытып жеңіске жеткен қытайлық Чжэн Циньвэньмен кездеседі.

Мадридтегі турнир 21 сәуір мен 3 мамыр аралығында өтеді. Жүлде қоры 8,2 миллион доллар.

Естеріңізге сала кетейік, Штутгартта өткен беделді WTA 500 сериялы турнирінің финалында Елена Рыбакина чехиялық теннисші Каролина Мухованы екі сетте тас-талқан етіп жеңген болатын. Жеңістен кейін қазақстандық спортшыға ашық сары түсті жаңа автокөлік сыйланды.

“Cағындым“: Елена Рыбакина 62 миллиондық суперкары туралы айтты