“Бұл анық“: ФИФА басшысы Иранның әлем чемпионатына қатысуына қатысты пікір білдірді

ФИФА президенті Джанни Инфантино Таяу Шығыстағы жағдайға қарамастан, Иран құрамасы әлем біріншілігіне қатысуы тиіс екенін мәлімдеді, деп хабарлайды Tengri Sport ұйым басшысының қоғамдық форумда сөйлеген сөзіне сілтеме жасап.
Халықаралық футбол федерациясы басшысының айтуынша, ирандық футболшылар турнирде өнер көрсетуге дайын.
"Иран командасы нақты келе ме?" - деп сұрады журналист Сара Айзен Invest in America форумында Инфантинодан.

"Иран командасы келеді, бұл анық. Ешқандай өзгеріс жоқ. Біз сол уақытқа дейін жағдай тұрақталса екен деп үміттенеміз. Бұрын айтқанымдай, бұл көмектесуі мүмкін. Бірақ ирандықтар келуі керек. Олар өз халқының атынан шығады. Олар іріктеуден өтті. Ойыншылар ойнағысы келеді. Мен оларға екі апта бұрын бардым, олардың Антальяда оқу-жаттығу жиыны болды. Олар шынымен ойнағысы келеді. Олар ойнауы керек - олар саясатпен емес, спортпен айналысуы тиіс", - деп есептейді ФИФА басшысы.

Еске сала кетейік, Иран құрамасы топтық кезеңдегі барлық матчтарын АҚШ аумағында өткізуі тиіс. Иран футбол федерациясы ФИФА-дан кездесулерін Мексикаға ауыстыруды сұраған болатын, бірақ жағдай өзгеріссіз қалды.












Instagram-дағы бұл жарияланымды көру

Джанни Инфантино - ФИФА президентінің (@gianni_infantino) жарияланымы




Айта кетсек, 2026 жылғы футболдан әлем чемпионаты 11 маусым мен 19 шілде аралығында АҚШ, Мексика және Канадада өтуі тиіс. Қазіргі уақытта турнирдің барлық 48 қатысушысы белгілі.