Смартфон мен ноутбукті "бұзып" кіріп, хат, фото-видео және өзге де ақпаратты алатын UFED деген құрылғы бар. Негізінен құзырлы органдарға арнап шығарылған осы құралды жеке мақсатта қолдануға тыйым салынған. Израильде жасалып, әлемнің жүзден астам еліне экспортталатын құрылғыны алушылар қатарында Қазақстан да бары айтылған. Заңгерлер бұл тәрізді ғылыми-техникалық құралдар адамның жеке деректерінің таралуына жол ашады деп қауіптенеді.
