Оңтүстік Корея президенті Юн Сок Ель депутаттардың дауыс беруінен кейін елде әскери жағдай енгізу туралы жарлықты жойды. Мемлекет басшысы кеңсесінің шешімі жергілікті уақыт бойынша таңғы сағат 4:27-те тікелей эфирде хабарланды. Кейін ол үкімет отырысында мақұлданды деп жазды "Ренхап".
Елде төтенше жағдай енгізілетіні 3 желтоқсан жергілікті уақыт бойынша сағат 22:25-те хабарланған. Алты сағат күшінде болған жарлық саяси партиялардың жұмысына, наразылық пен ереуілдерге тыйым салып, цензура енгізген, әскери соттарды өлім жазасы үкімін енгізу құқығын айырған.
Режимнің орындалуын қадағалауға жаяу әскер штабының жетекшісі Пак Ан Су жауапты болған. Ол парламенттің жұмысын тоқтатты. Парламент ғимаратын әскер басып алуға талпынған.
Алайда әскер ғимаратты басып алайын деп жатқанда депутаттар президенттің шешімін алып тастау үшін дауыс берді. Бұдан кейін президент заң жүзінде жарлықтың күшін жоюға міндетті болды. Әскерилер саяси партиялар мен парламенттің жетекшісін қамауға алуға талпынған болуы мүмкін.
Кейбір оңтүстіккореялық саясаткерлердің сөзінше, егер елде әскери жағдай енгізу туралы шешім заңды болған кезде онда депутаттардың дауыс беруіне кедергі жасау билікті басып алу талпынысы ретінде бағаланушы еді. Президентке әзірге ресми түрде айып тағылған жоқ.
Елдегі ірі оппозициялық демократиялық партия өкілдері брифингте президент отставкаға кетуі керек деп мәлімдеген.
