Мойынқұмда «Тұлпарсазда ауылым» атты облыстық байқау өтті

Мойынқұм ауданы әкімдігінің қолдауымен, мәдениет және тілдерді дамыту бөлімі, аудандық мәдениет үйінің ұйымдастыруымен 25 қазан — Республика күні аясында ақын-композитор Садық Құнанбаевтың әндерін орындаушыларының «Тұлпарсазда ауылым» атты облыстық байқау өтті.

Байқауға облыс аудандарынан барлығы 11 өнерпаз қатысып, ережеге сай өнерлерін көрсетті. Ең алдымен құттықтау сөз аудан әкімінің міндетін атқарушы С.Төлегеновке беріліп, ол өз сөзінде көрермендерді келе жатқан Республика күні ұлттық мерекесімен құттықтап, байқауға қатысушыларға сәттілік тіледі. Байқауға Шүңіреков Асылхан Мәдіханұлы- ҚР еңбек сіңірген қайраткері,К.Әзірбаев ат.Жамбыл облыстық филармониясы, «Тараз» триосының әншісі,қазылар алкасының төрағасы
2. Құнанбаева Ардақ Садыққызы- Е.Хасанғалиев ат.4 ші Халықаралық «Атамекен» конкурсының лауреаты.-қазылар алқасының мүшесі
3. Ержан Ыдырысов- «Ерен еңбегі үшін» медалінің иегері,Тараз триосының әншісі
4. Мейіржан Сейділдаев – Мойынқұм аудандық мәдениет үйінің директоры төрелік етті. Тартысты да әдемі өткен байқау соңында әділқазылардың шешіміне сәйкес жеңімпаздар анықталып, “Бас жүлде” тараздық Ақерке Құрбанға бұйырса (500000 тг), 1-орын мойынқұмдық Қияш Бақытжан (400000 тг), 2-орын мойынқұмдық Жиренше Ербол (300000 тг), 3-орынды байзақтық Молдабаев Саламат (200000 тг) иеленді. Көрермендер әуезді әсем әндер тыңдап, көңілді тарқады.

Сообщение Мойынқұмда «Тұлпарсазда ауылым» атты облыстық байқау өтті появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.