АҚШ президенті Джо Байден NBC телеарнасына берген сұқбатында алдағы президент сайлауына тағы да түсуді көздеп отырғанын айтты. АҚШ президенті 2024 жылы сайланады. Әзірге АҚ үй бұл жөнінде ресми мәлімдеме жасаған жоқ.
NBC эфирінде Байден қайта сайлануды жоспарлап отырғанын, әзірге бұл жөнінде ресми мәлімдеме жасамайтынын айтты. Байденнің Ақ үйдегі кеңесшілері оның сайлау компаниясына дайындықпен шұғылданады.
Джо Байден мүше болып саналатын демократиялық партия президенттік түсуге дайын тұрған өзге саяси тұлға ұсынып отырған жоқ. Республикашылдар партиясынан 2017-2021 жылдары АҚШ президенті болған Дональд Трамп кандидат болуы мүмкін. Алайда Трамптың мойнында "конгресске басып кірмек болғандарды қолдады", "сайлау қорының ақшасын өзге мақсаттарға пайдаланды" дейтін айыптар бар.
Флорида штатының губернаторы Рон Десантис те республикашылдар атынан кандидат болуы мүмкін деген болжам бар.
Джо Байден 2021 жылы АҚШ-тың 46-президенті болып сайланған. Ол АҚШ тарихындағы ең егде президент болып саналады. Қазір 80 жаста. Қайта сайланатын болса, президенттік мерзімі аяқталар тұста 86 жасқа толады.
