АСТАНА. ҚазАқпарат – Биыл ҚР Президенті жанындағы Қазақстанның стратегиялық зерттеулер институтының (ҚСЗИ) құрылғанына 30 жыл толады. Көп жағдайда жұмысы жұртшылыққа байқала бермейтін сараптама орталығы осы жылдар ішінде елімізде саяси шешім қабылдау кезінде маңызды рөл атқаруын жалғастырып келеді. Ұйымның көптеген зерттеуі «қызметтік пайдалану үшін» белгісімен немесе мемлекеттің бірінші басшылары үшін «құпия» белгісімен жүргізіледі. Осы ретте ҚазАқпарат тілшісіне сұхбат берген ҚСЗИ директоры Еркін Тұқымов біраз құпияның бетін ашты.